О школе

 

 

 

 

 

 

 

БІЛІМ БЕРУДІ ҰЙЫМДАСТЫРУ ТУРАЛЫ АҚПАРАТТЫҚ АНЫҚТАМА

 

Білім беруді ұйымдастырудың жалпы сипаттамасы:

Толық атауы:	«Сәтбаев қаласының білім бөлімі» мемлекеттік мекемесінің «№7 жалпы орта білім беретін мектебі» коммуналдық мемлекеттік мекемесі
Заңды мекенжайы:	101301, Қарағанды облысы Сәтбаев қаласы, Тәуелсіздік даңғылы - 20
Телефон:	8(71063) 3-47-46
Мекеме түрі:	жалпы орта білім беру ұйымы
Оқыту тілі:	қазақ
Құрылыс салынған жылы:	2001 жыл
Соңғы күрделі жөндеуден өткен жыл:	2012 жыл
Қабаттар саны	5
Ғимарат аумағы:	3618,9 кв/м
Мектептің жобалық сиымдылығы:	539 адам

Мектеп «Сәтбаев қаласының білім, дене шынықтыру және спорт бөлімі» ММ 24.01.2014 жылғы №36 бұйрығын негізге ала отырып мектепте мүмкіндігі шектеулі оқушыларды оқыту үшін психологиялық-педагогикалық сүйемелдеу қызметтері кешенді түрде енгізіліп «Инклюзивті білім беру» тәжірибе алаңы болып бекітілді.

білім беру мен оқытуды талдау

«№7 жалпы орта білім беретін мектебі» КММ –нің 2016-2020 оқу жылына арналған мектепті дамыту стратегиясы жасалды.

МДС миссиясы: сапалы орта білім беруге тең қол жеткізуді қамтамасыз ету, зияткер, дене бітімі және рухани жағынан дамыған, табысты азаматты қалыптастыру.

МДС мақсаты: жаңа заман талабына сай, өзгермелі ортада өмір сүруге бейім, бәсекеге қабілетті және құзыретті тұлға қалыптастыру.

І. Бірінші стратегиялық бағыт: Білім беру мазмұнын жаңарту.

ІІ.Екінші стратегиялық бағыт: Мұғалімдердің біліктілігі мен педагогикалық шеберлігін арттыруға жағдай туғызу.

ІІІ.Үшінші стратегиялық бағыт: «Мәңгілік ел» жалпыұлттық идеясы негізінде тәрбие әлеуетін арттыру.

Мектеп дамуының стратегиялық бағыттарын таңдау келесі мақсаттарға негізделген:

1. Білім сапасының деңгейін арттыруға бағытталған орта құру;
2. Кәсіби дағдысы дамыған, кәсіби біліктілігі жоғары мұғалімдер ұжымын қалыптастыру;
3. Жалпыадамзаттық және ұлттық құндылықтар негізінде жанжақты және үйлесімді дамыған тұлға тәрбиелеу.

Жоғарыда көрсетілген стратегиялық бағыттарды орындау үшін келесі міндеттер қойылды:

1. Мектепте 12 жылдық білім беру моделіне көшу және үш тілде оқытуды енгізуді жүзеге асыру;
2. Оқу-танымдық үрдісінде оқушылардың оқуға деген қызығушылығын және функционалдық сауаттылығын арттыруға бағытталған жұмыстар жүргізу;
3. Жаңартылған білім мазмұны бойынша педагогтарды кәсіби біліктілік арттыру курстарынан өткізу;
4. Педагогтардың кәсіби құзыреттілігін арттыруға бағытталған шығармашылық жұмыстарды ұйымдастыру (семинарлар, коучингтер, шебер сыныптар);
5. Озат тәжірибелі педагогтардың жұмысын ұйымдастыру (онлайн сабақтар, шебер сыныптар, ғылыми басылымдар);
6. Жас мамандармен жұмысты ұйымдастыру, кәсіби сайыстарға семинарларға қатыстыру;
7. «Мәңгілік ел» ұлттық идеясын жүзеге асыру арқылы, қоғамда өмір сүруге қабілетті азамат және патриот қалыптастыру;
8. Жалпыадамзаттық және ұлттық құндылықтар негізінде тәрбиелеу жұмыстарын жүргізу.                                                                                                                                                  

Стратегиялық бағыттарды жүзеге асыру үшін әр оқу жылына жылдық Жоспары әзірленді.

Педагогикалық кеңесте мектеп жұмысының өткен кезеңдер бойынша талдауы жасалып, алдағы оқу жылында атқарылар жұмыстар мен басты бағыттар айқындалды.

Оқу үрдісінің тиімділігі - педагогикалық тұлғаның кәсіби шеберлігінде

Мектепте білім сапасының деңгейін арттыруға бағытталған орта құру үшін педагогтардың кәсіби біліктілігі, жаңартылған білім моделіне көшу дайындығы басты рөл атқарады. Қазіргі таңда 72 мұғалім болса, оның ішінде 3 мұғалім жоғары санатты, 11 мұғалім І санатты, 13 мұғалім ІІ санатты, 16 мұғалім санатсыз. Зерттеуші -1, сарапшы -18, модератор - 9;  Жалпы сапасы - 45%.  Мектепте жоғары және бірінші санатты педагогтар санының өсуі мектеп сапасының өсуіне ықпал етті.

Білім деңгейі бойынша: жоғары білімді - 49, арнаулы орта - 21, магистратура бітіргендер - 2.   Жоғары білімді педагогтар саны басым.

Педагогтардың жасы бойынша 30 жасқа дейін-19; 31-45 жас-21; 45-60 жас-32; 60 жастан жоғары-0. Орташа жасы – 40-45 жасты құрайды.

Педагогикалық еңбек өтілі бойынша: 8 жыл-14 (19%) , 9-15 жыл 19- (27%), 16-20 жыл - 14 (20%), 21-дан жоғары - 25 (35%)  мұғалім.

 

Білім деңгейі бойынша салыстырмалы көрсеткіш:

Жоғары білім				Аяқталмаған жоғары				Арнаулы орта				Магистр дәрежесіндегі
2016-2017	2017-2018	2018-2019	2019-2020	2016-2017	2017-2018	2018-2019	2019-2020	2016-2017	2017-2018	2018-2019	2019-2020	2016-2017	2017-2018	2018-2019	2019-2020
43	46	48	49	2	1	0	0	20	21	26	21	0	1	1	2

Педагогикалық өтілі бойынша салыстырмалы көрсеткіш:

0-8 жыл				9-15жыл				16-20 жыл				20 жылдан жоғары
2016-2017	2017-2018	2018-2019	2019-2020	2016-2017	2017-2018	2018-2019	2019-2020	2016-2017	2017-2018	2018-2019	2019-2020	2016-2017	2017-2018	2018-2019	2019-2020
15	19	18	14	17	17	19	19	12	15	14	14	21	20	23	25

Педагог қызметкерлерді аттестаттаудан өткізудің

2016-2017, 2017-2018, 2018-2019 ,2019-2020 оқу жылындағы

салыстырмалы көрсеткіштері

санаты	Жоғары санат	Зерттеуші педагог	І санат	Сарапшы педагог	ІІ санат	Педагог модератор	санатсыз
2016-2017	6	0	19	0	21	0	20
2017-2018	5	0	14	8	23	1	20
2018-2019	5	0	13	12	20	6	18
2019-2020	3	4	5	22	9	14	12

Жоғарғы кестеге сәйкес мониторингтің салыстырмалы көрсеткіштеріне талдау   жасайтын болсақ:

Өткен оқу жылдармен  салыстырғанда жоғары білімді мұғалімдер 1,5% өскен. Жоғары білімді педагогтар саны басым. Барлық педагог кадрлар дипломға сәйкес жұмыс істейді. Мектепте жас маман үлесі 5 (7%) құрайды және 2 магистр мұғалім бар.

Санаты бойынша 2016-2017 оқу жылында 7 (10%) мұғалім жоғары санатты болса, 2017-2018 оқу жылында 1 мұғалім бірінші санатқа түсті. Керісінше І санатты мұғалімдер азайып, сарапшы педагог санатын алған мұғалімдер саны өскен.  2018-2019 оқу жылында сапа 7% өсті. 2019-2020 оқу жылында 1 зерттеуші  қосылды сарапшы педагог үлесі 12 % өсті.

Жоғары және бірінші санат мұғалімдерінің үлесі:

 

Мектепте жоғары(зерттеуші) және бірінші (сарапшы) санат мұғалімдер санының өсуі мектеп сапасының өсуіне ықпал етті.

Мектепте ғылыми-әдістемелік кеңес жұмыс жасайды. Ғылыми-  әдістемелік кеңесте «Инклюзивті білім беру» жобасының іске асырылуы бойынша жұмыстар, мұғалімдердің кәсіби біліктіліктерін көтеру жағдайы, өзін-өзі жетілдіру,  шығармашылықпен жұмыс істейтін мұғалімдердің, аттестациядан өтіп жатқан мұғалімдердің есебі, әдіс бірлестіктерінің онкүндік қорытындысы қаралады. Әр жыл сайын «Білім туралы» Заң негіздерін басшылыққа ала отырып, бес жылда бір өтетін мұғалімдердің білім жетілдіру іс-шараларын жоспарлау әдістемелік қызмет орталығы  арқылы іске асырылып отырды. Педагогтардың білімін үнемі жетілдіріп, ізденіс жасауда болжам жасалынды. Соның нәтижесінде мұғалімдер дер кезінде біліктілік санаттарын көтеріп, білім арттыру курстарынан өтуді жалғастыруда.

Оқу жылдары	2016-2017	2017-2018	2018-2019	2019-2020
НЗМ зияткерлік деңгейлік курс	8	10	12	12
Білім беру мазмұнын жаңарту бойынша курс	15	35	38	50
Білім беру мазмұнын жаңарту бойынша басшылар курсы	0	2	5	3
Критериалды бағалау бойынша курс	0	0	1	1
Үштілділікті дамыту бойынша	0	3	4	3
Тренерлік курс			1	1

Қазіргі таңда педагогтардың 70 % - ы жаңартылған білім мазмұны бойынша біліктілік арттыру курсынан өтті. «Мектептегі менеджмент пен көшбасшы» мектеп басшыларына арналған 9 айлық курстан мектеп басшысы өтті. «Оқытудың әдісі мен технологиясы» бойынша  1 деңгей  - 1 мұғалім, ІІ деңгей - 1 мұғалім, ІІІ деңгей бойынша 10 мұғалім өтті. Педагогтар мен білім алушылар жаңартылған білім беру мазмұнын игеруде. Декреттік демалыстан шыққан қазақ тілі, тарих, бастауыш мұғалімдерін оқыту жоспарлануда. Жаңартылған орта білім мазмұны бойынша әдістемелік қызмет бойынша директор орынбасары және тәрбие бойынша орынбасарлары біліктілік арттыру курстарынан өтті. Оқу ісі меңгерушілерін өткізу жоспарланды. Мектеп тренерлері мен үйлестірушілерді оқыту бойынша оқыған мұғалімдер үлесі 1% құрайды.

Жаратылыстану-математикалық пәндер мұғалімдері пәнді ағылшын тілінде жүргізу мақсатында курстан өтті. Химия пәні мұғалімі Хасенова М.Ж. А1,А2,В1, деңгейін оқып бітірді. Информатика пәні мұғалімі Мурат Анар , физика пәні мұғалімі Тілеген Шынар А1,А2, В2 деңгейі бойынша аяқтады.

Қорытынды:

• 20 жылдан астам еңбек өтілі бар педагогтар саны басым. Жас мамандар үлесі аз. Зейтнекерлік жасқа таянған мұғалімдердің зейнетке шығуы кадр жетіспеушілігіне әкелу мүмкін.
• Бағалау тапсырмаларын әзірлеу және сараптау мұғалімдерінің, мектеп тренерлері мен үйлестірушілер саны аз. Алдағы уақытта жоспарланды. Декреттік демалыстан шыққан қазақ тілі, тарих, бастауыш мұғалімдерін оқыту жоспарланды. Оқу ісі меңгерушілерін өткізу жоспарланды.

Мектеп мұғалімдерінің халықаралық, республикалық, облыстық басылымдарға жұмыстары жариялануы, ғылыми-тәжірибелік конференцияларға, кәсіби сайыстарға қатысуы, қалалық деңгейде сабақ беруі  біршама өсті:

«Педагогика мәселелері» әдістемелік журналында 3 мақала;

«Білім беру мекемесі басшыларының анықтамалығы» ғылыми журналында директордың мақаласы;

«Білім берудегі инновациялық технологиялар: тәжірибе, ізденіс, перспективалар» халықаралық ғылыми-тәжірибелік конференция – 2018ж.     4 мақала.

«Президенттің бес бастамасы-әлеуметтік бәсекеге қабілеттіліктің негізі» республикалық ІХ Марғұлан оқулары жинағында 5 мақала;

«Ө.А.Байқоңыров атындағы Республикалық «Индустрия 4.0:STEAM Білім берудегі технологиялар» тақырыбындағы ғылыми-практикалық конференция-2019- 5 макала жарияланды.

Аймақтық «Ұрпаққа ұлағат» Шабал Бейсенбекова педагогикалық оқулары -2017-2018 жылы 2 мақала жарияланып, 1 мұғалім 1 орынды иеленді.

2018-2019 жылы 5 мақала жарияланып, 2 мұғалім  І және ІІІ орындарды иеленді.

Педагогтардың педагогикалық шеберлік байқауларына қатысуы да артып келеді. Жыл сайын ұйымдастырылатын республикалық «Әдістемелік вернисаж» сайысының облыстық кезеңіне

2017-2018 жж-3 мұғалім қатысушы, 1 мадақтама;

2018-2019жж 12 мұғалім қатысушы, 10 жүлделі орын;

2019-2020жж 16 мұғалім қатысушы, 12 жүлделі орын;

Мектеп мұғалімдері облыстық деңгейде ұйымдастырылған ісшараларға қатысып ашық сабақ берді. Онлайн режимінде облыстық деңгейде сабақ берді. Математика пәні мұғалімі А.Хафизова Қарағанды облыстық Нұрмақов мектебінде сабақ беріп, марапатталды.

 Инклюзивті білім беру іске асыру бойынша мектеп жыл сайын ұйымдастырылған «Үздік тәжірибелік алаң-2017» - І орын, «Тең теңмен-2019» видеороликтер байқауында -2 орын, мектеп психологы - І орын; «Инклюзивті білім берудің үздік тәжірибесі-2020» - 3 орынды иеленді;

Мектеп пән мұғалімдері облыстық «Пед старт» олимпиадасына қатысып жүлделі орындар алды. Облыстық эсселер байқауында І орын иеленді.

Қорытынды:

Шығармашылықпен айналысатын мұғалімдердің жетістігі өсіп отырғанымен, жыл сайын санаулы мұғалімдердің қатысатыны анықталды. Мектепте жүктеменің көптігінен бірізділікпен жұмыс істейтін мұғалімдер бар.

Шешім:

Кәсіби дағдысы дамыған, кәсіби біліктілігі жоғары мұғалімдер ұжымын қалыптастыру мақсатында педагогтарды облыс, қала деңгейінде өткізілген барлық ісшараларға қатыстыру жоспарланды.

Ғылыми-зерттеу жұмысымен айналысатын мұғалімдер үлесі

Қатысқан іс-шаралары	2016-17		2017-2018		2018-2019		2019-2020
	Қатысушы	нәтиже	Қатысушы	нәтиже	Қатысушы	нәтиже	Қатысушы	нәтиже
Халықаралық «Алгоритм», Республикалық «ІХ Марғұлан окулары»  педагог қызметкерлерінің ҒПК (жұмысы жинаққа) енген	3	3	7	7	12	12
Қарағанды облысының педагог қызметкерлерінің «Болашаққа бағдар-рухани жаңғыру бағдарламалық мақаласын жүзеге асыру» ғылыми-практикалық конференциясына	2	2	3	1	5	1
Республикалық «Келешек-2017» ғылыми-практикалық конференцияға 4 мұғалімнің жұмысы жарық көрді.	4	4
«Бастауыш сынып» «Факультативті сабақ» «Мектеп директоры», «Тарих тағлымдары» атты республикалық әдістемелік журнал (сабақ әзірлемесі басылды)	3	3	7	7	10	10	2	2
«Әдістемелік вернисаж» педагог қызметкерлерінің ашық ХІІІ облыстық фестиваль қатысушылары	5 2	5 1	7	7	14	10 жүлделі орын	18	18
Облыстық онлайн - сабақ	-	-	1	1	1	1
«Оқыту және оқу тәжірибесіндегі жаңа тұрғылар»  атты облыстық ғылыми-практикалық семинар	6	6	3	3	5	5
«Білім шыңы-ғылым сыры»  басылым			1	жинаққа енді			1	1
Білім беру жүйесіндегі инновацияларды қолдану және жүзеге асырудың әдістемелері			1	жинаққа енді
« Ө.А.Байқоңыров атындағы Республикалық «Индустрия 4.0:STEAM Білім берудегі технологиялар» тақырыбындағы ғылыми-практикалық конференция							3	2
«Инклюзивті білім беру» ТА облыстық байқауы	1	1 орын	1	Алғыс хат	1	2 орын	1		3орын
«Үздік логопед» республикалық байқауы	1	1 орын	1	Алғыс хат	2	1 Алғыс хат
«Үздік дефектолог» республикалық байқауы	1	Бас жүлде	1	Алғыс хат	-	-	1		1
Аймақтық «Ұрпаққа ұлағат» педагогикалық оқулар	-	-	2	1 орын Жинаққа енді	4	1 мұғалім 1 орын; 1 мұғалім 3 орын; 4 макала жинаққа енді

2019-2020 оқу жылында «Инклюзивті білім беру ерекшеліктері» тақырыбында қала деңгейінде логопед, психолог, дефектолог мамандарға арналған семинар өткіздік.

« Ө.А.Байқоңыров атындағы Республикалық «Индустрия 4.0:STEAM Білім берудегі технологиялар» тақырыбындағы ғылыми-практикалық конференция 2 мұғалімнің жұмысы жарияланды. 

2019-2020 оқу жылында облыстық «Инклюзивті білім берудің үздік тәжірибесі» тақырыбында тәжірибелік алаң сайысында 3 орынды иеленді.

«Ұлағат» озат тәжірибелі мұғалімдер тобы үш жылда облыстық, қалалық деңгейде іс тәжірибелерін тарату  мақсатында семинар-коучингтер өткізді, республикалық «Бастауыш сынып», «Факультатив сабақтар»,«Тарих тағлымдары» «Педагогика негіздері» журналдарына сабақтар жариялады. Арнайы сынып мұғалімдері Г.Б.Алькенова, Ж.Т.Батырбекова инклюзивті білім беру бойынша әдістемелік дидактикалық материалдар жинағын, бағдарламалар жасап магниттік мектептер қолдануда. Тарих пәні мұғалімі Б.К.Ералиеваның 5 сыныптарға арналған «Тарихқа саяхат» бағдарламасы қала мектептерінде қолданылуда. Озат тәжірибелі ұстаз Хафизова А.Ш. облыс деңгейінде  үздік сабақтар конкурсына қатысып, 3 орын иеленді. 2017-2018 оқу жылында  А.Ш.Хафизованың сабағы облыс деңгейінде «Арифметикалық прогрессия» тақырыбында өткізілді. 2018-2019 оқу жылында облыстық онлайн режимінде Кунанбаева Ж.Ж. «Тенге. Монета» тақырыбында сабақ берді.   Мұғалімдердің мақалалары, ашық сабақтары ғылыми-әдістемелік басылымдарға жарияланды (21 мұғалім). Аймақтық әдістемелік кәсіби сайыстарға қатысты (35). Ағылшын тілі мұғалімі Саринова Б. мектепте семинар өткізді. Ағылшын тілі сабақтарындағы тиімді әдістер көрсетілді. Мектеп инклюзивті білім беру бойынша тәжірибелік алаң болғандықтан қала мектептерінің арнайы мамандарына 2 рет тәжірибе көрсету семинары өткізіледі. Тәжірибелік алаң координаторы Б.Н.Жумабаева аймақтық  «Ұрпаққа ұлағат» педагогикалық оқуда тәжірибе бөлісті. Қалалық «Ағылшын тілі мұғалімдерінің форумында жас маман Нурлыбек Г. панорамалық сабақ беріп бас жүлде алды.

Үштілділікті дамытудың 2016-2020 жылдарға арналған кешенді жоспары жасалып, жұмыстар жүргізілді:

Ағылышын тілін үйрену бойынша педагогикалық ұжымға арналған курс ұйымдастырылып, ағылшын тілі пән мұғалімдері Саринова Б.Б, Сейсебаева А.А  өткізді. «Информатика», «Физика», «Химия», «Биология» пәндерін ағылшын тілінде оқыту кезеңімен еңгізуге дайындық жүргізілді.

Оқушылардың функционалдық сауаттылығын қалыптастыру қазіргі заман талабы. Мектепте әр пән мұғалімінің функционалдық тапсырмалар жинағы  жасалып, сабақта қолдануда. Осы оқу жылында бастауыш сыныптан математика пәні бойынша электрондық оқулық, авторы Кунанбаева Ж.Ж., тарих пәнінен Ералиева Б.К., Жекенова А.Ж. электрондық оқулық жасап қолдануда.

Оқушылардың математикалық сауаттылығын арттыруға бағытталған  жұмыстар:

5 сыныптарға арналған «Математикалық логика»  «Қызықты математика» бағдарламасы, Турсынова О.Т., Кенгирбаева А.У.;

7 сыныптарға арналған «Математикалық логика» бағдарламасы, Агедилова А.Т., Кульмаганбетова К.Ж.;

10-11 сыныптарға арналған  «Математикалық сауаттылық» бағдарламасы, Хафизова А.Ш.,

 Бастауыш сыныптарға арналған «Қызықты грамматика» Рахметова С.А.

Қазақ тілінен «Логикалық тапсырмалар жинағы», «Тіл дамыту» Алиманова Б.А.;  «Әлеуметтік бағдар» Жаркынбекова А.М., «Түзету ырғағы» Шахаева М.Е., «Тұлғаны қалыптастыру» психолог Қыдырмолдина М.Е., мектепішілік әдістемелік кабинетте қаралып бекітілген.

Педагогтардың жұмысына мониторинг жүргізіліп, жыл аяғында  рейтинг көрсеткіші шығарылады. Үздік мұғалімдер марапатқа ұсынылады.

 

Қорытынды:

Білім беру мазмұнын жаңғырту бойынша біліктілік арттыру курсынан мұғалімдердің үлесі 70 % жетті. Педагогтардың кәсіби құзыреттілігін арттыруға бағытталған облыстық, қалалық деңгейде ұйымдастырылған  іс-шараларға белсенді қатысты. «Инклюзивті білім беру» тәжірибелік алаң  жұмысының жүйелі жүргізілді. Бағалау тапсырмаларын әзірлеу және сараптау мұғалімдерінің, мектеп тренерлері мен үйлестірушілер санының аздығы байқалды.

Қарама-қайшылықтар:

1. «Инклюзивті білім беру» тәжірибелік алаң жұмысының жүйелі жүргізіледі, бірақ инклюзивті сыныптарда сабақ беретін пән мұғалімдері ЕҚБ балалармен жұмыс жүргізуге арналған арнайы  бағдарламалар жасауда қиындыққа кездесіп отыр. Себебі бұл мұғалімдер арнайы курстардан өтпеген.

2.Мектепте ерекше қажеттілікті қажет ететін оқушылардың саны жылдан жылға артып келеді, бірақ арнайы мамандар логопед, дефектолог мамандар жеткіліксіз.

Шешу жолдары:

1. НЗМ –не , критериалды бағалау, тренерлік біліктілік арттыру курстарына мұғалімдерді жіберу
2. Инклюзивті, арнайы сыныптарда сабақ беретін пән мұғалімдерін ЕҚББ балаларды оқыту бағдарламасын жасау бойынша арнайы семинарларға, курстарда оқыту.

Оқушылар контингентінің сипаттамасы

2019-2020 оқу жылында  2 ауысымда 34 сынып, 1-11 сыныптар аралығында  636 оқушы білім  алды.

Мектепте 2018-2019 оқу жылында 2 топтан құралған 40 оқушымен қамтылған шағын орталық бар. Мектепалды даярлық сыныбы 80 оқушы қамтылған 4 топ бар.

Денсаулығына байланысты 61 оқушы арнайы сыныпта, 7 оқушы инклюзивті сыныпта, 10 оқушы үйден оқытылады. Жалпы арнайы 9 сынып, 7 инклюзивті сынып бар.

Соңғы үш жылдағы оқушылар қозғалысы

Сынып		2017-2018 оқу жылы		2018-2019 оқу жылы	2019-2020  оқу жылы
Барлығы		567		610	636

 

Қорытынды: Мектептің үш жылғы жалпы  білім сапасы  жаңа технологияларды оқу үрдісіне енгізу арқылы 57%, 57%, 58% өсу деңгейін көрсетті. Бастауыш сыныптан орта буынға өту кезеңінде білім сапасында оң және теріс ауытқулар болды:

Арнайы, инклюзивті сыныптардың жылдан жылға өсу үлесі жалпы мектептің білім сапасына кері әсерін тигізеді.

Стратегия жоспарында білім сапасын 60%, көтеру жоспарланған, бірақ 2% орындалмады.

Шешу жолдары:

1. Алдағы уақытта жаңартылған білім мазмұнының негізінде сабақ барысында сабақты тиімді жоспарлау, зерттеу сабақтарын жүргізу, бір сабақтан «3», «4» баға алған оқушылармен жұмыс жүргізу.
2. Арнайы, инклюзивті сыныптардағы ЕҚБ балалардың шағын аудан бойынша өз мектептеріне жіберу.

Вариативті компонентпен қамтамасыз етілуі

Білім берудің жаңа мазмұнына сай талаптарды орындау және оқушы қажеттіліктерін қанағаттандыру мақсатында таңдау курстарының бағдарламалары жасалып, курстар жүргізілді.

  Вариативтік сабақтардың нәтижесін оқушылардың халықаралық, республикалық зияткерлік сайыстарға қатысып, жүлделі орындар алуынан көруге болады:

Сайыстар	2017-18ж	2018-19ж	2019-20ж
«Русский медвежонок»	9	10	0
«Ақбота»	8	16	8
«Зияткер»	19
«British Bulldog»	13	8	12
Кенгуру-математика для всех	12	16	5
Топжарған		17
Үркер	5	3	4
Пони	10	12	15
«Bilgen» халықаралық сайысының республикалық кезеңінде			1 оқушы 1 орын, 3 оқушы алғыс хат
Қалалық зияткерлік сайыстар («Своя игра» , «Жас биолог»,  «Математикалық регата», «Химия әлемінде» т.б.)	3 жүлделі орын; 1 алғыс хат;	6 жүлделі орын;	2 жүлделі орын;
Шығармашылық сайыстарда	15 жүлделі орын	25 жүлделі орын	30 жүлделі орын

Қорытынды: Вариативті курстар негізінен жаратылыстану-математикалық бағыттағы пәндерге бағытталған. Себебі 10 мен 11 сынып оқушыларын математика-жаратылыстану бағытын таңдайды.

Химия және информатика пәндерінен B1.B2 деңгейін аяқтаған мұғалімдер 9 сыныптарда (вариатив компоненті) сабақ беруі де оң нәтиже көрсетіп отыр.

Оқушылардың жалпыпәндер бойынша олимпиадаларға және ғылыми жобаларға қатысуы

Оқушылардың олимпиадаға қатысушы оқушылардың саны азаюда. 2017 жылы 154 оқушы қатысса, 2018 жылы 117 оқушы, ал 2019 жылы 111 оқушы қатысты.

Оқу жылы	2017-18ж	2018-19ж	2019-20ж.-
Мектепішілік	127	117	111
қалалық	17	13	15
Жүлделі орындар	4 орын, 2 алғыс хат,(биология, химия, ағылшын тілі, Құқықтану),	5  жүлделі орын (Қазақстан тарихы, құқықтану,математика, орыс тілі,)	6 жүлделі орын (Қазақстан тарихы, қазақ тілі,математика, орыс тілі, бастауыш сыныпта математика. биология)

Мектепте «Жас зерттеуші» оқушылардың ғылыми қоғамы ұйымдастырылған. Жұмысты жандандыру мақсатында жылда мектепішілік оқушылардың ғылыми жұмыстарын қорғау ісшарасы ұйымдастырылады.        

Оқу жылы	Мектепішілік	Қалалық	Облыстық
2017-2018	7 орын	5/3 орын 1 Алғыс хат	2/1 орын, ШҒА -5/3 орын
2018-2019	5 орын	4/2 орын 1 Алыс хат	1/3 орын ғылыми жоба, 1/1орын эссе байқауы 3/2 мадақтама
2019-2020	7 орын	3/1 орын	1/1 мадақтама

Ғылыми жобалар бойынша салыстырмалы талдау жасайтын болсақ, жоғарыда көрсетілген үш жылда оқушылардың қалалық кезеңге қатысу көрсеткіші қалыпты. 2017-2018 оқу жылында  ғылыми жобалар байқауының облыстық кезеңінде 2 оқушы қатысып Альмаганбетов Н. 3 орын алып келді. Қарағанды облысы ШҒА жобалар байқауында 5 оқушы қатысып, 3 оқушы жүлделі орын алды. 2018-2019 оқу жылында  облыстық кезеңге қатысқан «Тарих тағылымы» аймақтық ғылыми жобалар байқауында Бижанова А., Камысбай Ә. мадақтамамен марапатталды. Жезқазған қаласында өткен аймақтық «Әлем бас иген ұлы тұлға» ғылыми жобалар байқауына 5 оқушы қатысып, 4 сынып окушысы Балабиқызы Аяулым ІІІ дәрежелі дипломмен марапатталды. Осы байқауда 11 сынып оқушысы Бижанова Актолкын дипломмен марапатталды. Қалалық Қ.Сәтбаевтын 120 жылдығына арналған Ғылым күнінде 10 сынып оқушысы Баян Гул 3 орынға ие болды.

2019-2020 оқу жылында облыстық ғылыми жобаға Абдрахманов Ю. қатысып, мадақтамамен марапатталды.

Қорытынды:

1. Жыл сайын олимпиаданың қалалық кезеңіне қатысушылар саны азайғанымен, жүлделі орындар 2% өсті. Биылғы оқу жылында мектепшілік олимпиаданың 15 жеңімпазы қалалық пән олимпиадасына қатысып, 6 қатысушы жүлделі орынға ие болы.

2.«Жас зерттеуші» ОҚҒ  қоғамының жұмысы жоспарға сай жүргізілді.

Жүлделі орын алған оқушылар қалалық ғылыми жоба қорғауға жіберілді

Кемшіліктер:

1. Оқушылардың басым көпшілігі гуманитарлық бағыттағы пәндер бойынша қатысуда. Жаратылыстану бағытындағы пәндерден оқушылардың қатысуы аз;

2.Ғылыми жобалар сайысына, пән олимпиадаларына жыл сайын қатысып жүрген оқушылар ғана қатысып, дарынды оқушылар тізімін жаңартуға мүмкіндік болмай қалады. Робототехника бойынша жетістіктер аз;

Шешім:

1.Оқушылардың жетістікке жетуі үшін вариативтік компонент негізінде оқушы қажеттілігін қанағаттандыруға арналған бағдарламар базасын құру.

2.Сабақ барысында оқушылардың қызығушылын арттыруға бағытталған әдістерді қолдану, оқушы қызығушылығын арттыру.

Инклюзивті білім беру –ерекше білім беру қажеттіліктері мен жеке мүмкіндіктері ескеріле отырып барлық балалардың  тәрбие мен оқытуға тең қол жеткізуін қамтамасыз ету.

Мектептің  2016-2020 жылдарға арналған даму стратегиясына сәйкес инклюзивті білім беруді іске асырудың  жылдық  жоспары жасалып, мектеп директорымен  бекітіледі.

Мектепте  жалпы оқушылар саны - 636 оқушы. Оның 78 оқушысы ерекше қажеттілікті қажет ететін балалар. Жалпы оқушы санынан 12,5 % құрайды.

Сыныпқа жіктегенде:

Арнайы  сыныптарда	Үйден оқитын оқушылар	Инклюзивті сыныпта оқитын ерекше қажеттілігі бар оқушылар
Барлығы -61/21	Барлығы -10/3	Барлығы -7/0

 «Инклюзивті білім беру» тәжірибелік алаңында ерекше қажеттілігі бар балаларға психологиялық-педагогикалық сүйемелдеу қызметі көрсетіледі. ППС қызметі мектеп директорының 01.09.2018 жылғы № 63 бұйрығымен құрылған.

 ППС қызметінің мақсаты ерекше қажеттілігі бар балаларға психологиялық-педагогикалық қолдау қызметін ұйымдастыру, оқушылардың тұлғалық және әлеуметтік бейімделуіне ықпал ету.

Жыл сайын жаңа оқу жылына арналған  ППС қызметінің ережесі, жұмыс жоспары жасалып, мектеп директорымен  бекітіледі. Жоспарға психологиялық-педагогикалық диагностика, әлеуметтік сүйемелдеу жұмыстары және ұйымдастырушылық әдістемелік қызмет жұмыстары, ата-аналармен жұмыстарды ұйымдастыру қамтылған. Психологиялық- педагогикалық сүйемелдеу көрсету қызметінің әр маманы осы жоспар бағыттары бойынша жұмыс істейді.

Ерекше қажеттілігі бар балаларға психологиялық-педагогикалық қолдау көрсететін арнайы мамандар мен пән мұғалімдері:

Инклюзивті білім беру бойынша үйлестіруші	Педагог -дефектолог	Педагог-психолог	Логопед	Инклюзивті сыныптарда жұмыс жасайтын педагогтардың жалпы саны	ЕДШ нұсқаушысы	Әлеуметтік педагог	Инклюзивті тәжірибе бойынша арнайы курстан өткен мамандар мен педагогтар саны
1	1	2	2	44(59,4%)	1	1	11

Жаңа оқу жылы қарсаңында әлеуметтік жағдайы төмен оқушыларға, жалпы инклюзивті біліммен қамтылған оқушыларға жаппай оқумен қамту қорынан  оқушыға оқу құралдары беріледі. Жыл сайын арнайы, инклюзивті сынып оқушылары ыстық тамақпен қамтылады.  Ағымдағы оқу жылында 61 ерекше қажеттілігі бар балалар ыстық тамақпен қамтылып отыр.   Алыс аймақта тұратын  8 оқушыға жолда тегін жүру билеті берілді. 

Мектеп жыл сайын облыстық байқауларда жүлделі орындарға ие болып отыр

2017-2018	2018-2019	2019-2020
«Инклюзивті білім беру» ТА  сайысы  - 1 орын; Мектеп дефектологы - 3 орын; Мектеп логопеді - 2 орын;	«Тең-теңімен» бейнероликтер байқауы – 2 орын; Мектеп психологы 1 орын;	«Инклюзивті білім берудің үздік тәжірибесі»  сайысы- 3 орын;

Қорытынды:

Инклюзивті білім беруді жүзеге асыру бойынша жүйелі жұмыстар ұйымдастырылып,  мектеп жыл сайын облыстық сайыстардан жүлделі орындарға ие болды.

Кемшіліктер:

1. Арнайы, инклюзивті сыныптардың өсуінен білім сапасының жоспарланған деңгейге (60% ) жеткізілмей қалуы;
2. ЕҚБ балалар санының артуы мектепте арнайы мамандардың жетіспеушілігіне алып келіп отыр
3. Арнайы, инклюзивті сыныптарда сабақ беретін пән мұғалімдерінің арнайы бейімделген оқу бағдарламаларын жасауда кедергілерге кездесуі;

Шешу жолдары:

1. Арнайы, инклюзивті сыныптардағы ЕҚБ балалардың шағын аудан бойынша өз мектептеріне жіберу.
2. Арнайы, инклюзивті сыныптарда сабақ беретін пән мұғалімдерін семинарларға , курстарға жіберіп, арнайы дайындықтан өткізу.;
3. Пән мұғалімдеріне ЕҚББ оқытуға арналған бағдарламалар жасауды үйрету, ПМПК мамандарын шакырып оқыту семинарларын өткізу.

ІІІ.Үшінші стратегиялық бағыт: «Мәңгілік ел» идеясын жүзеге асыра отырып, ата-аналардың қызығушылығын арттыру.

Мақсаты: Жалпыадамзаттық және ұлттық құндылықтар негізінде жанжақты және үйлесімді дамыған тұлға тәрбиелеу.

Міндеттері: 1.«Мәңгілік ел» ұлттық идеясын жүзеге асыру арқылы, қоғамда өмір сүруге қабілетті азамат және патриот қалыптастыру;

2. Жалпыадамзаттық және ұлттық құндылықтар негізінде тәрбиелеу жұмыстарын жүргізу;                                                                                                                                                                                   

ҚР Білім және ғылым министрінің 2015 жылғы 22 сәуірдегі №227 бұйрығымен бекітілген «Тәрбиенің тұжырымдамалық негіздері» және Қарағанды  облысы білім беруді дамытудың оқу-әдістемелік нұсқаулығын және қалалық білім бөлімінің жоспарын  басшылыққа ала отырып, жоспар жасалды. Жыл бойында нақты  берілген тақырыптық сынып сағаттарымен қоса қосымша берілген ісшаралар ұйымдастырылды.

Үшінші стратегиялық бағытты іске асырудағы жоспардың орындалысы

Қорытынды:

 «Мәңгілік Ел» жалпыұлттық идеясы негізінде  тәрбие әлеуетін арттыруда  жалпыадамзаттық және ұлттық құндылықтар негізінде жанжақты және үйлесімді дамыған тұлға тәрбиелеу мақсатын қойдық.

 «Мәңгілік ел» ұлттық идеясын жүзеге асыру арқылы, қоғамда өмір сүруге қабілетті азамат және патриот қалыптастыру;

-«Қызғалдақ» қыздар клубы арқылы рухани адамгершілік және этикалық принциптерін  қалыптастыру;

-Әкенің бала тұлғасың қалыптастырудағы құзыреттілігін арттыру;

-  «Шаңырақ» ата- аналар клубының жұмысын дамыта отырып,  жасөспірімдерді теріс ағымдардың ықпалынан қорғау міндеттері орындалды.

МЕКТЕП КЛИМАТЫН ТАЛДАУ

Мектептегі климат дегеніміз - мектептегі оқу процесіне қатысушылардың өзара қарым-қатынасы негізінде пайда болатын психологиялық байланыстарының эмоционалдық көрінісі. Оқу жетістіктерінің маңызды факторларының бірі болып табылатын мектеп климатына талдау жасайтын болсақ, келесі санаттар бойынша сауалнамалар алынды:

1. Мектеп әкімшілігімен сұқбат;
2. 8-11 сынып оқушыларына сұрақ қою;
3. Ата-аналарға сұрақ қою.

Сауалнаманың нәтижелері анықталған білім беру проблемаларын растауға, себеп-салдарлық байланысты табуға көмектесті.

Мектеп мұғалімдеріне арналған суалнамаға қатысқандар саны– 70. Сұхбат жүргізу мақсаты - білім беру мен оқытудың сапасын, сондай-ақ мектептегі ахуалды жақсарту.  Мектеп қабырғасындағы жалпы мектеп қызметі туралы пікірлері сұралды, аты-жөні көрсетілмей, жасырын түрде және Google classroom платформасында сұхбат сұрақтары құрылып, электронды түрде өтті.  Нәтижелерді өңдеу әр мұғалімнің жауаптарының жеке жарияланбауы және құпиялылықты сақтау принципі негізінде жасалды. Мектеп мұғалімдерінің 73%-ы жоғары білімді. Сауалнама көрсеткіші бойынша 75%-ы еңбек мазмұнына ризалығын көрсетті. Әріптестеріңізбен қарым-қатынасыңызға қанағаттану деңгейі 82%-ды, оқушылармен қарым-қатынасыңызға қанағаттану деңгейі 82%-ды құрады. Мектеп директорының  өзіңізге деген қарым-қатынасына қанағаттануы 85%. Яғни ұжымда салауатты әлеуметтік-психологиялық жағдай орнатыланын байқауға болады.

Ата-аналарға арналған суалнамаға қатысқандар саны– 130. Сауалнама мақсаты - барлық оқушылар үшін білім беру мен оқытудың сапасын және мектептегі ахуалды жақсартуға. Ата-аналардан балаларының білім алуы және жалпы мектеп туралы пікірлері сұралды, ата-ананың аты-жөні көрсетілмей, жасырын түрде және Google classroom платформасында сұхбат сұрақтары құрылып, электронды түрде өтті. Сауалнама соңында мектеп пен мектеп өміріне байланысты толғандыратын мәселелерін жаза алды. Нәтижелерді өңдеу әр ата-ананың жауаптарының жеке жарияланбауы және құпиялылықты сақтау принципі негізінде жасалды.

Сауалнама көрсеткіші бойынша мектепте бала үшін ең ұнайтыны ол достары, сыныбы мен мұғалімдері болып табылады. Ата-ананы қанағаттандырмайтыны: мектептің материалдық-техникалық жабдықталуы мен спорттық залдың тар болуы.

Баланың оқуға деген мотивациясын арттыру үшін қосымша курстарды енгізу қажет деп санайды.Білім берудің жаңартылған мазмұнын түсіндіру бойынша іс-шараларға қатысады, BILIMAL (Edu-Mark) қызметінің мүмкіндіктерін ата-аналардың 69%-ы пайдаланады. Мектептің қоғамдық өміріне 58%-ы белсене ат салысады. Сауалнама бойынша ата-аналардың жағымсыз пікірі байқалмады.

Оқушыларға  арналған суалнамаға қатысқандар саны– 132. Зерттеуге 8-9-10-11 сынып оқушылары қатысты. Сауалнама мақсаты - барлық оқушылар үшін білім беру мен оқытудың сапасын және мектептегі ахуалды жақсартуға. Google classroom платформасында сұхбат сұрақтары құрылып, электронды түрде өтті. Мектеп оқушыларының 61%-ның пікірі бойынша мектептің негізгі міндеті - оқушылардың білім алу қажеттіліктерін қанағаттандыру және әмбебап білімнің, іскерліктің және дағдылардың жаңа жүйесін қалыптастыру болып табылады және білім сапасын жоғары деңгейде деп бағалайды. Оқушылардың 67%-ы оқу жетістігімен қанағаттанады, қиын жағдайда сынып жетекшісі мен мұғалімдердің кеңестері мен көмегіне жүгіне алады. 47%-ы мектеп бітіргеннен кейін ЖОО-да білімдерін жалғастыруды жоспарлауда. Мектепте білім беру үдерісін жақсарту бойынша  ұсыныстары мен кеңестері – материалдық-техникалық базаны күшейту, цифрландыру жүйесін меңгерту, оқушыларды қоғамдық өмірге белсенді қатыстыру.

Қорытынды. Мектеп мұғалімдері, ата-аналары және оқушылары арасында жүргізілген сауалнама бойынша мектепте жағымды психологиялық ахуал қалыптасқан. Педагогтар ұжымдағы қарым-қатынасқа қанағаттанады. Ата-аналардың білім мен тәрбие процесіне теріс көзқарастары жоқ. Оқушылар болашақта мектепте алған білімдерін жоғары оқу орындарында жалғстырып, мамандық бойынша жұмыс істеуді жоспарлауда.

 

БІЛІМ БЕРУ ҰЙЫМЫНЫҢ ДАМУ ТҰЖЫРЫМДАМАСЫ

Даму бағдарламасы мектептегі білмі беру жағдайын, проблемалық бағдарлы-талдау нәтижелеріне сүйене отырып, Қазақстан Республикасының білім және ғылымды дамытудың 2020-2025 жылдарға арналған мемлекеттік бағдарламасында айқындалған басымдықтарды ескере отырып жасалды.

Құжат бағдарламалық сипатта бес жылға жоспарланып жасалған. Осы орайда білім беруді ұйымдастырудың маңызды міндеттерін шешуге басты назар аударылды. Ең алдымен білім беруді ұйымдастырудағы нақты жағдайларды анықтап, тиімді жұмыс істеуге және қолда бар ресурстарды тиімді пайдалануға қажетті ресурстар таңдап алынды. Басты проблема  білім сапасын арттыру болып табылады, алайда осы жолда төмендегі кедергілер анықталып отыр:

• Мектепте кабинеттік жүйе ұйымдастыру мүмкіндігінің болмауы;
• Ақпараттық сауаттылықты толық меңгермеген мұғалімдердің анықталуы;
• Жұмыс басты ата-аналардың бала білімін қадағалауды босаңсытуы;
• Білім сапасын жақсарту жолында сабақты зерттеуге пән жүктемесінің шамадан тыс берілуі;
• Жалпы білім беретін пәндер бойынша олимпиада резервтерін дайындауда жылда бір мұғалімдердің қатысуы (жарытылыстану бағыты бойынша аз).

Сонымен төмендегідей қауіптер де анықталды:

• Материалдық-техникалық жабдықпен толық қамтамасыз етілмеуі;
• Бірізділікпен жұмыс істейтін педагогтардың бәсекеге қабілетсіздігі және жалпы ұжымға кері әсер етуі.

Осы мәселелерді шешу жолында оңтайлы әсер ететін күшті жақтары мен мүмкіндіктерді атап кетуге болады:

• Мектептің 80% мұғалімдері білім беру мазмұнын жаңарту бойынша курстан өтті;
• ЕҚТЕБ-дың әлеуметтік ортада басқа білім алушыларымен тең дәрежеде білім алуы ұйымдастырылған;
• Мектеп түлектерінің білім гранттарын жеңіп алуы: 9 сынып - 87%, 11 сынып - 50%.
• Қосымша біліммен (мектепішілік, мектептен тыс үйірме, секцияларға баруы) қамтылған оқушылардың үлесінің өсуі;

Даму бағдарламасы Білім беру басқармасы, ОӘО, ата-аналармен байланысты жандандыруға, біліктілігі жоғары, шығармашылықпен жүйелі жұмыс жасайтын педагогтар мен үздік білім алушыларды ынталандыру және дамытуға, барлық кабинеттерді 2025 жылға  дейін ПИК-пен қамтамасыз етуге, мектепте кабинеттік жүйені қалыптастыруға мүмкіндік береді

Осы орайда ұсынылған мүмкіндіктерді іске асыру үшін, төмендегідегідей мақсат тұжырымдалды:

Инновациялық ортада құзіретті және рухани дамыған тұлға жетілдіру.

Осы мақсатты жүзеге асыру жолында алдымен мұғалімдердің инновациялық ортада шығармашылықпен жұмыс істеуін жетілдіру керек. Бұл оқушылардың зияткерлік әлеуетін жетілдіру арқылы білім сапасын арттыруға, ұлттық құндылықтар негізінде жан-жақты және үйлесімді дамыған тұлға тәрбиесін жетілдіруге мүмкіндік береді.

Бұл міндеттерді жүзеге асыру үшін бес академиалық жылға бес стратегиялық бағыт белгіленді:

1. Білім беру сапасын дамыту;
2. Адами ресурстарды дамыту;
3. Басқарудың алқалы формасын дамыту;
4. Оқу процесіне жағдай жасау;
5. Инклюзивті білім беруді дамыту.

Осы ұсынылған стратегиялық бағыттарға сәйкес, көрсеткіштер белгіленіп, іс-шаралар жоспары жасалды.

Мектептің жеке ерекшеліктеріне сәйкес бесінші «Инклюзивті білім беруді дамыту» бағыты ұсынылды. Яғни, мектеп «Сәтбаев қаласының білім, дене шынықтыру және спорт бөлімі» ММ 24.01.2014 жылғы №36 бұйрығын негізге ала отырып мектепте мүмкіндігі шектеулі оқушыларды оқыту үшін психологиялық-педагогикалық сүйемелдеу қызметтері кешенді түрде енгізіліп «Инклюзивті білім беру» тәжірибе алаңы болып бекітілді. Тәжірибелік алаңда 9 арнайы сынып, 7 инклюзивті сыныпта ЕҚББ және үйден оқитын оқушылар білім берумен қамтылған.

Нәтижесінде зияткерлік қабілеттері дамыған оқушылардың үлесі артады, жаңа технологияларды қолдану нәтижесінде мұғалімдердің кәсіби шыңдалады, ұлттық құндылықтар негізінде жан-жақты және үйлесімді дамыған тұлға тәрбиесі жетіледі.